HERRI KIROLAK/AIZKORA
Euskal Herriko lauko sokatira txapelketa, Ozetan
![sokatira OZETAN](https://ehkirola.eus/wp-content/uploads/2019/12/sokatiraOZETAN.jpg)
Argazkia: Antsoain Herri KIrol taldea
Larunbatean jokatu zen Ozetan Euskal Herriko 4x4ko sokatira txapelketako beste jardunaldi bat
Iragan larunbatean EHko 4×4 txapelketako jardunaldia izan genuen Ozetan arratsaldeko 17.00etan hasita, zeinean 300 kilotan gizonezkoak aritu ziren eta 260tan emakumezkoak.
![](https://scontent-mad1-1.xx.fbcdn.net/v/t1.0-9/78537874_663807534156538_73908969755639808_n.jpg?_nc_cat=101&_nc_ohc=luqO-TPOeLsAQmVZgk8IJXmbeUrIUE1QKRdlN4D_aI0tTowtQrqTZHL8w&_nc_ht=scontent-mad1-1.xx&oh=7efba95ce0649b462f572fdf70f2a044&oe=5E71B4F4)
Euskal Herriko launakako lehen txapelak erabaki ondotik, gizonezkoen 300 kiloko eta emakumezkoen 260 kiloko txapelketan lehiatzen hasiak dira jadanik. Gizonezkoetan bi multzotan banatuak aritu ziren. A multzoan, Beti Gazterekin batera, Berriozar A, Ibarra, Ñapurrak eta Txantrea jardun zuten eta B multzoan, Gaztedi, Berriozar B, Antsoain eta Bizindar. Emakumezkoetan berriz zortzi talde ibili ziren lehian: Beti Gazte, Bizindar, Txantrea A eta B, Badaiotz A eta B, Gaztedi eta Ibarra.
Gizonezkoen A multzoan Ibarra nagusitu zen 5 punturekin, bigarren Beti Gazte 4 puntu irabazita eta jarraian Ñapurrak 3, Berriozar 1,5 puntu eta Txantrea 1,5 puntu pilatuta.
B multzoan, gizonezkoen taldeek honako puntuaketa lortu zuten: lehenengo postua Gaztedirentzat izan zen 3,5 punturekin eta hurrenez hurren Berriozar 3,5, Antsoain 2 puntu eskuratuta eta Bizindar puntu bakarrarekin.
Emakumezkoetan aldiz, Gaztedik lortu zuen lehenengo postua 7,5 punturekin, Beti Gazte jarraian 7,5, Txantrea B 6 puntu, Badaiotz A 5 puntu, Ibarrak 4 lortu zituen, Badaiotz B 3, Txantrea A 2 eta Bizindar puntu bakarra erdietsita.
Hemendik aurrerako jardunaldiak abenduaren 8an berriro ere Ozetan eta abenduaren 14an Berriozarren jokatuko dira. Datorren igandekoan, Ozetan emakumezkoak ariko dira 260 kilotan (Bizindar, Txantrea A, Txantrea B, Ibarra, Beti Gazte, Gaztedi, Badaiotz a, Badaiotz B) eta gizonezkoak 300 kilotan (Beti Gazte, Ibarra, Ñapurrak, Berriozar A, Berriozar B, Txantrea, Gaztedi, Antsoain, Bizindar).
Azkenik eta Euskal Herriko txapelketari amaiera emateko, abenduaren 21ean Artziniegan jokatuko dute txapelketa mistoa (280 kilo). Honetan, Beti Gazte, Bizindar A eta B, Ibarra A eta B, Txantrea, Antsoain, Gaztedi eta Berriozar lehiatuko dira.
Publiée par Antsoain Herri Kirol Taldea Sokatira sur Dimanche 1 décembre 2019
Twitter
Hasi da 640 kiloko Euskadiko Sokatira txapelketa
Lehenengo jardunaldia Saturrarango Arbelaitz kanpinean burutu zen, non Gaztedi A taldea nagusitu zen
Nafarroako launakako sokatira txapelketako azken jardunaldia lehiatu da Berriozarren
Pisu arinetan, Berriozar nagusitu zen emakumezkoetan eta Beti Gazte gizonezkoetan
Nafarroako 4×4 sokatira txapelketa Betelun izan da
Emakumezkoen 235 kiloko eta gizonezkoen 300 kiloko lehen jardunaldia lehiatu zuten larunbatean