Euskadiko Trainerilla Txapelketa jokatu zen asteburuan Josetxo Fernandez Bakeriza Legutioko estropada zelaian, larunbatean zein igandean, non maila absolutoan emakumezkoetan Donostiarra nagusitu zen eta gizonezkoetan Santurtzi. Gazteen kategorian berriz, gazteetan , Isuntza gizonezkoetan eta Kaiku emakumezkoetan, izan ziren txapeldunak.

Euskadiko Trainerilla Txapelketa Euskadiko arraun-klub federatuen trainerillen artean jokatzen den txapelketa da, Euskadiko Arraunketa Federazioak antolatua, aurten Legution jokatu delarik, maiatzaren 22 eta 23ko asteburuan.

Emakumezko absolutoen lehian Kaiarriba izan zen azkarrena 15:08,18ko denbora eginda, bigarren Orio helmugaratu zen lau segundora  (15:12,98), hirugarren Deustu (15:17,02) zortzi segundora, eta laugarren Ondarroa (17:06,82).

Gizonezko nagusien kasuan Santurtzik erakustaldia eman zuen eta garaipen bikaina erdietsi zuen, bigarren izan zen Zierbenari 13 segundoko aldea aterata eta podiuma osatu zuen Bermeori 15.

Kaikutarrek (15:57,97) irabazitako emakumezko gazteen finala oso lehiatua izan zen, Hibaika baino 42 ehunen lehenago helmugaratu baitzen. Hirugarren Isuntza izan zen (16:31,92) eta laugarren Deustu (16:44,18).

Gizonezko gazteetan, Isuntza (14:36,75) nagusitu zen, San Juan (14:47,08) eta Santurtziren aurretik (14:50,28). Laugarren postuan Zumaia helmugaratu zen, 14:51,83ko denbora eginda.

SAILKAPENAK

Emakumezko Nagusiak

1. KAIARRIBA 15:08,18
2. ORIO 15:12,98
3. DEUSTU 15:17,02
4. ONDARROA 17:06,82

Gizonezko Nagusiak

1. SANTURTZI 13:12,73
2. ZIERBENA 13:25,82
3. BERMEO 13:28,15
4. ISUNTZA 13:38,77

Emakumezko Gazteak

1. KAIKU 15:57,97
2. HIBAIKA 15:58,39
3. ISUNTZA 16:31,92
4. DEUSTU 16:44,18

Gizonezko Gazteak

1. ISUNTZA 14:36,75
2. SAN JUAN 14:47,08
3. SANTURTZI 14:50,28
4. ZUMAIA 14:51,83