EUSKAL PILOTA
Eskuz Binakako Masterreko finalerdiak, larunbatean
Larunbat honetan erabakiko da ESKUZ BINAKAKO MASTER LABORAL KUTXA 2021 txapelketako finala nortzuk jokatuko duten
Azken urteotan, garrantzi berezia hartu du Irungo Urantzu pilotalekuak emakumeen esku pilotaren barruan eta datozen asteetan ere protagonismo berezia hartuko du kantxa zoragarri eta eraberritu honek.
Izan ere, bertan jokatuko baita, apirilaren 4an, ESKUZ BINAKAKO MASTER LABORAL KUTXA 2021eko finala, baina aurretik, larunbat honetan finalerdiak ere hartuko ditu Bidasoaldeko frontoiak, arratsaldeko 15.30etatik aurrera, ETB-k zuzenean emango duen jaialdian.
Zoritxarrez, egungo osasun egoerak izan du eraginik eta azken orduko aldaketa bat eman da lehen finalerdian, Irantzu Etxebestek, bere etxean bakartuta egonda, ezin izango duelako Irunen egon eta bere lekua Naroa Elizaldek hartuko du. Iturengo aurrelaria gogotsu irtengo da kantxara eta bere onena eman beharko du Olatz Ruiz de Larramendirekin batera, Iera Agirre eta Maite Ruiz de Larramendik bikote oso handia osatzen dute eta, nahiz eta euren lehen txapelketa izan pilota mistoarekin.
Izeba-ilobak beste partida berezi bat jokatuko dute elkarren aurka eta atzeko koadroetan nagusitzea lortzen duenak asko izango du irabazita. Esan genezake esperientzia eta gaztetasunaren arteko dema izango dela.
Bigarren finalerdia Olatz Arriabalaga-Naroa Agirre eta Leire Garai-Oihana Orbegozok jokatuko dute. Bi bikoteek oso erraz atera zituzten aurrera final laurdenetako euren kanporaketak eta laurak ere sasoi bikainean daude. Gernikako aurrelaria gaur egungo erreferente nagusietako bat da eta berak eramango du bikotearen pisua, jokoarekin dago, tantoa azkar amaitzen du eta sakearekin ere min handia egiteko gai da. Bikote urdina agian seguruagoa eta konpentsatuagoa da eta lehia orekatua espero da.
Peio Etxeberriak irabazi du Promozio Mailako Buruz Burukoa
Etxeberriak jantzi zuen bere profesionaletako lehen txapela, Egigureni 22 eta 7 irabazita
Laxoa Txapelketako jardunaldi berria jokatu zen asteburuan
A multzoan, Oitz eta Doneztebe The Moment izan ziren garaileak eta B multzoan Arraioz Sagardia eta Irurita Miguelene
Emakumea eta Pilota batzordearen jaialdia burutu zen Labriten
80 pilotarik talde dinamika landu zuten, pilota modalidade ezberdinak jorratu zituztelarik