Emakumezkoen Euskal Kopa irailaren 3tik 5era arte lehiatuko da Durangon

Denboraldiko lehen torneo ofiziala ostegun honetan abiatuko da finalerdiak jokatuta, eta  irailaren 5ean izango da finala Durangoko Landako kiroldegian, bertan erabakiko delarik Emakumezkoen Euskal Kopako txapela nork jantziko duen.

Lehen mailako lau taldek jokatuko dute denboraldiko lehenengo txapelketa ofiziala irailaren 3-5 bitartean: Araski, Lointek Gernika, IDK eta Tarbes. 2020ko Emakumezkoen Euskal Kopak berritasun bat dakar, izan ere, Endesa Ligako hiru taldeez aparte, Tarbes Gespe Bigorre talde frantziarra lehiatuko da aurten kopan, estrainekoz.

Hauxe da 2020ko Emakumezkoen Euskal Kopako programa:

Irailaren 3an, osteguna, jokatuko dira finalaurrekoak, ikuslerik gabe.

16:30 IDK Euskotren – Kutxabank Araski

20:00 Lointek Gernika Bizkaia – Tarbes Gespe Bigorre

Finala larunbatean izango da, irailak 5, 12:00etan

12:00 Finala (Euskal Telebistak zuzenean emango du)

18:00 Hirugarren eta laugarren postua erabakitzeko partida

Finaleko partidu honetan, jokalariek publikoaren berotasuna izango dute, izan ere, 291 zalerentzako irekiko da Landakoko kantxa, aforoaren %60a beteko delarik beraz.

Hortaz aparte, neurri zorrotzak hartuko dira uneoro, maskaren erabilera derrigorrezkoa izango da, eta eserlekuei dagokienez ere neurri bereziak ezarriko dira, eserlekuak binaka banatuak egongo direlarik. Orokorrean bi eserleku hoiek persona bakarrentzako izango dira segurtasun neurriak mantentzeko, baina bi persona elkarrekin esertzeko aukera egongo da baldin eta bizikidetza-unitate berekoak badira.

Sarrera horiek online bidez erresberbatu beharko dira federazioaren webgunean, ostegunean bertan, 22:00etan.

Kirol arloari dagokionez, gogoratu beharra dago Kutxabank Araskik eskuratu dituela azken hiru Euskal Kopak, Galdakaoko Urreta eta Durangoko Landako kiroldegietan jokatutakoak, Lointek Gernikari irabazi ostean.