EUSKAL PILOTA
Donostiako Grand Slam txapelketako finalerdiak zehaztu dira
Asteburuan jokatu zen Carmelo Balda frontoian Donostia Grand Slam 2022 txapelketako hirugarren jardunaldia, bertan izandako emaitzek zehaztu dituztelarik datorren larunbateko finalerdietan arituko diren bikoteak.
Lehen partidan, Goikoetxea-Irastorza 2-0 irabaztera behartuta zeuden eta tanto dezenteko aldearekin gainera, baina sailkatzeko aukera guztiak galdu zituzten Barandika-Etchetok lehen seta 10-15 irabazi zutenean. Kanporatuta zeuden arren, Goikoetxeak eta Irastorzak ez zuten amore eman eta bigarren seta (15-12) eta berdinketa hausteko jokoa ere (5-3) irabazi zituzten, eta gutxienez garaipen batekin esan zioten agur txapelketari.
A multzoko hiru bikoteek lehen fasea garaipen batekin berdinduta amaitu dutenez, sailkapenaren ordena irabazitako jokoen eta tanteoen arabera ezarri da. Irizpide horiek Barandika-Etxetori mesede egin diote eta Goikoetxea-Irastorzari kalte egin diote, beraz, sailkapenean lehena izan den Barandika-Etcheto bikoa zein bigarren geratu diren Aritz Erkiaga eta Lekerika sailkatu dira finalerdietara.
B multzoan egoera ezberdina zen, jokatu zuten bi bikoteak, Beaskoetxea-Lopez eta Olharan-Del Rio, dagoeneko sailkatuta baitzeuden, bakoitzak bere lehenengo partidak irabazi baitzituen. Jokoan zegoena lehen postua zen, Beaskoetxea-Lopezentzat izan zena, Olharan-Del Riori 2-0 irabazita.
Horrela, datorren larunbatean finalerdiak jokatuko dira: Barandika-Etcheto Olharan-Del Rioren aurka eta Beaskoetxea-Lopez Aritz Erkiaga-Lekerikaren aurka.
EMAITZAK
A TALDEA:
- Jardunaldia, maiatzak 14: Goikoetxea-Irastorza 0-2 Aritz Erkiaga-Lekerika (8-15, 9-15)
- Jardunaldia, maiatzak 21: Aritz Erkiaga-Lekerika 0-2 Barandika-Etcheto (11-15, 14-15)
- Jardunaldia, maiatzak 28: Goikoetxea-Irastorza 2-1 Barandika-Etcheto (10-15, 15-12 eta 5-3)
B TALDEA:
- Jardunaldia: maiatzak 14: Beaskoetxea-López 2-1 Hormaetxea-Zabala (15-9, 12-15, 5-3).
- Jardunaldia, maiatzak 21: Hormaetxea-Zabala 1-2 Olharan-Del Rio (12-15, 15-14, 5-2).
- Jardunaldia, maiatzak 28: Beaskoetxea-López 2-0 Olharan-Del Rio (15-10, 15-11)
Finalerdiak, ekainaren 4an: Barandika-Etcheto vs. Olharan-Del Rio eta Beaskoetxea-Lopez vs. Aritz Erkiaga-Lekerika.
Finala: ekainaren 11an .
Bote Luzeko txapelketako bigarren jardunaldia lehiatu da
Gipuzkoa Bat 9 / Senpere Bi 2, Iparralde (Itxasu) 2 / Bizkaia Bi 9 eta Iparralde (Amikuze) 4 / Bizkaia Bat 8
Emakume Master Cupeko Lau eta erdikoak zabalik du izen ematea
Izena emateko epea Irailaren 14tik Urtarrilaren 4ra arte zabalik egongo da
Abiatzear da 57. Enrique Abril Errebote Txapelketa
Hiru talde gipuzkoar eta bost lapurtar neurtuko dira irailaren 20an hasi eta urriaren 18an amaituko den txapelketan