Euskal Herriko Bote Luzeko txapelketako bigarren jardunaldia lehiatu da asteburu honetan

Euskal Herriko hainbat talde (bizkaitarrak, lapurtarrak, baxenafartarrak eta gipuzkoarrak) arituko dira aurten nor baino nor gehiago, irailaren hasieran abiatu eta urriaren hasieran amaituko den txapelketan.

Guztira, zazpi talde lehiatuko dira Euskal Herriko Bote Luzeko txapelketaren bosgarren edizio honetan: Bizkaiko bi talde, Gipuzkoako bat, Lapurdiko hiru talde eta Nafarroa Behereko beste bat.

Lehendabiziko jardunaldian, irailaren 5ean jokatutakoa, honako emaitzak eman ziren: Bizkaia Bat 7 / Gipuzkoa Bat  4, Senpere Bi  2 / Amikutze  9 eta Senpere Bat  6 / Itxasuarrak  4.

Pasa den asteburuan aldiz,  Euskal Herriko Bote Luzeko txapelketako bigarren jardunaldia lehiatu zen.

Larunbatean, irailak 12, Saran jokatu zen Gipuzkoa Bat eta Senpere Bi taldeen arteko norgehiagoka, eta igandean aldiz, bi partida jokatu ziren: Donapaleuko pilotalekuan Amikuze eta Bizkaia Bat neurtu ziren, eta Itsasuko frontoian berriz, Itsasu eta Bizkaia Bi taldeen arteko lehia eman zen. Emaitzak honakoak izan ziren:

Gipuzkoa Bat 9 / Senpere Bi 2

Iparralde (Itxasu) 2 / Bizkaia Bi 9

Iparralde (Amikuze) 4 / Bizkaia Bat  8

Hurrengo jardunaldian, txapelketako hirugarrena, honako neurketak izango dira:

-Bizkaia Bat-Senpere Bi

-Gipuzkoa Bat-Amikuze

-Bizkaia Bi, Senpere Bat

Euskal Herriko Bote Luzeko Txapelketa

Bi taldetan banatuta arituko dira lehian zazpi taldeak:

A Multzoa

• Bizkaia 1
• Gipuzkoa
• Lapurdi (Senpere 2)
• Nafarroa Beherea (Amikuze)

B Multzoa

• Bizkaia 2
• Lapurdi (Senpere 1)
• Lapurdi (Itsasu)

Ligaxka jokatuko dute aurrena multzo bakoitzeko taldeen artean, irailaren 6tik 20ra bitarteko asteburuetan. Liga faseko hiru jardunaldiak jokatu ostean, multzo bakoitzeko lehen bi talde onenak, irailaren 27an izango diren finalerdiak jokatuko dituzte (A1 vs B2 eta B1 vs A2), partidu bakarrera. Azkenik, eta eguraldiak laguntzen baldin badu, finala, urriaren lehenbiziko asteburuan jokatzea espero da.

Bote luzea

Bote Luzea Euskal Herriko eta Europako pilota-joko modalitate bat da, joko zuzenen arteko zaharrena, eta ondoren sortu direnen oinarria eta funtsa. Euskal Herrian galdua bazegoen ere, azken urte hauetan berreskuratze prozesu batean sarturik dago.

Bi taldeak aurrez aurre jartzen dira eta ez da pilota hormaren kontra joz jokatzen. Talde bakoitza zortzi pilotariz osatua dago; bost kantxaratzen dira eta aldaketak egitea onartua dago. 60 metro inguru luzerako eremutan aritzen dira pilotariak, normalean estalirik gabeko plazetan, eta helburua aurkariari eremua irabaztea da.