BIZKAIA TXAPELDUN 2019ko E.H-ko BOTE LUZEA TXAPELKETAKO FINALEAN

Igande honetan Berrizen jokatutako finalean Bizkaiko taldeak 7-3 irabazi zion Gipuzkoa Bi taldeari.

Bizkaiko taldeak hasieratik argi utzi zuen faborito nagusia zela aurtengo txapelketa finalean. Lehenbiziko jokoa estu hartu zuten bi taldeek baina 4 berdinketa egin eta gero jokoa azkenean Bizkaitarrentzat izan zen. Hortik aurrera nagusitasunez gailendu ziren Gipuzkoa Bi taldeari eta 5-0eko tartea ireki zuten. Partidaren azken txanpan Gipuzkoarrek beraien maila erakutsi eta 5-2 jarri ziren markagailuan. Arautegiak jartzen dituen 75 minutuak beteta finala 7-3ko emaitzarekin bukatu zen.