EUSKAL SELEKZIOA/PILOTA
Asier Aspuru pilotariak uko egin dio Espainiako selekzioari
Asier Aspuru pilotariak uko egin dio Espainiako selekzioarekin jokatzeari
“Soilik Euskal Herria ordezkatzen jokatuko nuke”, adierazi du. Erabaki berdina hartu dute Ekhi Ziarrusta eta Inhar Ugarte pilotariek ere.
Aurtengo urrian Munduko Pilota Kopa jokatuko da. Hitzordu horri begira, Espainiako selekzioarekin entrenatzera deitu dituzte Asier Aspuru, Ekhi Ziarrusta eta Inhar Ugarte pilotariak. Hirurek ezetz esan diote Alfonso Sanz Espainiako trinkete arloko hautatzailearen eskaintzari. “Espainiako selekzioak ez nau ordezkatzen”, adierazi du Aspuruk. “Soilik Euskal Herria ordezkatzen jokatuko nuke”, gehitu du.
Euskal kirolariak Espainiako selekzioarekin joatea Euskal Herriko selekzioaren ofizialtasun eza “normalizatzea” dela iruditzen zaio. Uko egitea, aldiz, gaia “sozializatzeko” eta “ofizialtasunaren aldeko kontzientzia sortzeko” modu bat dela uste du.
Asier Aspuru behean eta eskumako aldean ikurrina eusten:
Twitter
Eibar-Osasuna, uztailaren 2an
IV. Euskal Herria Txapelaren hogeigarren jardunaldia izango da, denboraldiko azkena. Ateak itxita jokatuko da, publikorik gabe
Alaves-Osasuna, asteazkenean
IV. Euskal Herria Txapelaren hemeretzigarren jardunaldia izango da. Ateak itxita jokatuko da, publikorik gabe
Alaves, bigarrena sailkapenean
Bigarren bueltako zortzi partida jokatuta, Alavesek bigarren postua bereganatu du IV. Euskal Herria Txapela 2019/20 edizioaren sailkapenean. Reala dago buruan