HERRI KIROLAK
Arabako Lokotx bilketa Txapelketa jokatu zen larunbatean
Iragan larunbatean, irailak 11, Arabako Lokotx Biltze Txapelketa lehiatu zen Eltziegon (Araba), non Maider Etxezabal eta Aritz Iturriberri nagusitu ziren.
Emakumezkoen lehian soilik bi kirolarik parte hartu zuten eta esan bezala Maider Etxezabal herri kirolari azpeitiarrak (uda sasoian lokotx biltzean aritzen da eta udazkenetik aurrera, berriz, sokatiralari ibiltzen da Arabako Badaiotz taldearekin) jantzi zuen txapela, bigarren izandako Zuriñe Frutosi 37 segundoko aldea atera ondoren. Ondo entrenatuta agertu zen Eltziegoko ekitaldira Etxezabal eta egindako txapelketarekin gustura agertu zen. Behin Arabako txapela irabazita, orain Euskal Herriko Lokotx Biltze Txapelketa jokatzeko aukera du Etxezabalek, nahiz eta oraindik ez den zehaztu non eta noiz jokatuko den.
Gizonezkoen lehian aldiz, bost kirolari aritu ziren nor baino nor gehiago: Guillermo Lopez, Aritz Iturriberri, Xabi Vegas, Ion Vegas eta Beñat Lopez de Garaio. Azkenean Iturriberri nagusitu zen 6´34ko denborarekin, atzetik Ion Vegas hamairu segundora eta Guillermo Lopez 28 segundora bigarren eta hirugarren sailkatu zirelarik, hurrenez hurren.
Emakumezkoen sailkapena:
1 Maider Etxezabal 7 minutu eta 52 segundo
2 Zuriñe Frutos 8 minutu eta 29 segundo
Gizonezkoen sailkapena:
1 Aritz Iturriberri 6 minutu eta 34 segundo
2 Ion Vegas 6 minutu eta 47 segundo
3 Guillermo Lopez 7 minutu eta 02 segundo
4 Xabi Vegas 7 minutu eta 15 segundo
5 Beñat Lopez de Garaio 7 minutu eta 22 segundo
2020ko Arabako Lokotx bilketa Txapelketan, irabazleak Aritz Ruiz eta Zurine Frutos izan ziren. Aritz Ruizen denbora 6 minutu eta 24 segundutakoa izan zen, eta atzetik honakoak sailkatu ziren: bigarrena Xabier Vegas izan zen (6 minutu eta 37 segundu), hirugarrena Jon Vegas (7 minutu eta 5 segundu) eta laugarrena Guillermo Lopez (7 minutu eta 14 segundu).
Euskal Herriko 4×4 Sokatira Txapelketako lehen saioa lehiatu da
Gizonezkoen 320 kiloko kategorian Beti Gazte nagusitu da eta emakumezkoen 260 kilokoan Ibarrak irabazi du
GeureSport Herri Kirol aldizkariaren 24. alea
Xabier Zaldua, Euskal Pentatloiko txapelduna, eta Urrezko AizkolarienTxapeldunen Liga irabazitako Julen Alberdi azalean dituela kaleratu berri da azken alea
Herri kirol jaialdia igandean Erdoñanan
2020ko Euskal Herriko Lasto-jasotze eta Txinga-erute Txapelketak jokatuko dira