MENDI LASTERKETAK
Amets Aranberri eta Aitziber Urkiola gailendu dira Aiako XI.Mendi Lasterketan
Baldintza gogorrekin jokatu zen pasa den igandean Aiala Kirol elkarteak antolaturiko Aiako mendi lasterketaren hamaikagarren edizioa, non Amets Aranberri eta Aitziber Urkiola izan ziren irabazleak, 1:10:59 eta 1:30:17 denborekin, hurrenez hurren.
Lokatzez betetako mendi ibilbidea izan zen, giro euritsu eta hotzarekin, gailurrean elurra ere egin zuelarik. Hala ere, helmugara hurreratu ahala, atertu egin zuen, eta probaren amaieran giro polita sortu zen herriko plazan.
Lasterketa goizeko 10:30ean hasi zen, eta korrikalariek herriko plazatik ekin zioten lehiari. Denera 276 lasterkari izan zituen probak, 231 gizonak eta 45 emakumeak.
Ohi bezala, parte hartzaileek 14,6 kilometroko ibilbidea egin zuten Pagoetan barrena, eta egunotan pilatutako euriaren ondorioz, lokatzez beteta ailegatu ziren denak helmugara.
Gizonezkoen artean, Amets Aranberri izan zen lehena helmugaratzen, nahiz eta Oier Ariznabarreta aldearekin ibili zen lasterketaren buruan zati handienean. Baina azken honek azken hiru kilometroetan deskuiduren bat izan eta ibilbidetik atera zen, garaipena Aranberriren esku utziz. Hala, gizonezkoen probaren irabazleak 1:10:50 denbora eginda lortu zuen txapela janztea. Ariznabarreta bigarren izan zen azkenean, 1:11:02 denborarekin, eta hirugarren Josu Urrestarazu (1:11:08) sailkatu zen.
Emakumezkoei dagokienez, Aitziber Urkiolak jantzi zuen txapela, 1:30:17 denborarekin. Hasieratik hartu zien aurrea beste lehiakideei, eta bere erritmoan egin zuen lasterketa osoa, azkenean garaipen erosoa eskuratu zuelarik, 1:30:17 denborarekin. Irati Larrañagak (1:31:15) bigarren postuarekin konformatu behar izan zuen, eta hirugarren sailkatu zen Leire Elola (1:32:18).
SAILKAPENAK
Gizonezkoak
- Amets Aranberri 1:10:50
- Oier Ariznabarreta 1:11:02
- Josu Urrestarazu 1:11:08
Emakumezkoak
- Aitziber Urkiola 1:30:17
- Irati Larrañaga 1:31:15
- Leire Elola 1:32:18
Elena Loyo eta Gotzon Solaegi gailendu dira Laudio Herria VII. lasterketan
LASTERKETAK 350 lagun inguruk hartu dute parte gaur goizean Laudiotik abiatu den lasterketan. 11:30etan puntutan hasi da lasterketa Lamuza parketik, eta 10km korri egin ostean, herriko plazara iritsi dira lehen lasterkariak. Adin guztietako gizon...
Gasteiz Hiria XIV. lasterketaren bideoa
LASTERKETAK Hemen duzue aurreko azaroaren 3an, Gasteiz zeharkatu zuen herri lasterketaren bideoa. Izen emateak, beroketak, irteera, korrikaldiak, helmugaratzeak, sari banaketa eta omenaldia. On egin!...
Diego Cuadrado eta Laura Garcia azkarrenak Gasteiz Hiriaren 14. edizioan
LASTERKETAK Goizeko 11:00etan eman dio hasiera Jon Esturo EH Kirola Elkarteko kideak Gasteiz Hiria XIV. Herri Lasterketari. 500 bat lagun aurkitzen ziren irteera marraren atzean Gasteiz zeharkatuko zituen 10 kilometroak egiteko prest. Eguraldia lagun, adin...