FUTBOLA / XIII. EUSKAL HERRIA KOPA
Amaitu da XIII. Euskal Herria Kopa, Jon Esturo gogoan
![image](https://ehkirola.eus/wp-content/uploads/2023/09/image.png)
Abuztuaren 12an jokatu ziren XIII. Euskal Herria Kopa 2023 edizioaren lehen partidak, eta azkenekoa berriz, Reala eta Athleticen arteko A mailako finala, pasa den igandean, irailak 3, lehiatu zen arratsaldeko 16:00etan hasita, aurtengo edizioari amaiera emanez.
Guztira, 10 klubetako 13 talde aritu dira lehian, Athletic, Reala eta Eibarren lehen eta bigarren taldeak izan baitira ‘A’ zein ‘B’ mailetan: Alaves, Osasuna, Athletic, Real, Bizkerre, Arratia, Berriozar, Eibar, Mulier, San Ignacio, Reala B, Athletic C eta Eibar C.
Bi mailetan antolatu da txapelketa aurten ere, taldeen egutegiak ez digulako beste aukerarik utzi. Berez, Euskal Herria Kopa lehiaketa batean jokatzekoa da, Euskal Herriko herrialde guztietako taldeen artean, behetik gorako formatoan onenak finalera iristeko aukera izanda behintzat. Aurten ere ezin izan dugu horrela antolatu baina jarraituko dugu bestelako aukerak aztertzen Koparen berezko egitura bueltatzeko hurrengo edizioetan, azken urteetan behintzat beste aukerarik izan ez badugu ere.
“A” KATEGORIA
A kategorian Bizkerre, Osasuna, Athletic, Reala, Alaves eta Eibar izan dira, bi multzotan banatuta. ‘A multzoan’ Reala erabat nagusitu zen sailkapen fasean, orotara 6 puntu pilatuta, eta finalerako txartela aise eskuratuta. Alaves geratu zen bigarren eta Bizkerre hirugarren, biak puntu bakarrarekin, gol averageagatik erabaki zirelarik postuak.
“A” multzoko sailkapena
TALDEA | Pt. | J | I | B | G | AG | KG |
---|---|---|---|---|---|---|---|
REALA | 6 | 2 | 2 | 0 | 0 | 11 | 0 |
ALAVES | 1 | 2 | 0 | 1 | 1 | 0 | 4 |
BIZKERRE | 1 | 2 | 0 | 1 | 1 | 0 | 7 |
‘B multzoan’ berriz, Eibar, Osasuna eta Athletic aritu ziren. Athletic izan zen azkenean aurrena, Eibar bigarren eta Osasuna hirugarren, honakoan ere gol averageak zehaztu zuelarik finalerako txartela.
“B” multzoko sailkapena
TALDEA | Pt. | J | I | B | G | AG | KG |
---|---|---|---|---|---|---|---|
ATHLETIC | 4 | 2 | 1 | 1 | 0 | 6 | 2 |
EIBAR | 4 | 2 | 1 | 1 | 0 | 4 | 1 |
OSASUNA | 0 | 2 | 0 | 0 | 2 | 1 | 8 |
Beraz, Reala eta Athletic sailkatu ziren “A” mailako finalerako, zeina Lezama 2 futbol zelaian jokatu zen, irailaren 3an, igandea, arratsaldeko 16:00etatik aurrera, non zurigorriek jantzi zuten txapela 2-4 irabazita. Eibarrek eskuratu zuen A mailako hirugarren postua, Alavesi 5-0 irabazita eta Osasuna sailkatu zen bosgarren Bizkerreren aurkako lehia 3-0 irabazi ostean.
🏆 XIII.EHKopa ⚽
A KATEGORIAKO SAILKAPENA
1 ATHLETIC
2 REALA
3 EIBAR
4 ALAVES
5 OSASUNA
6 BIZKERRE
“B” KATEGORIA
B’ maila izendatu dugun kategorian ere bi multzo izan ditugu: A multzoan aritu dira Athletic C, Eibar C, Berriozar eta San Ignacio, eta B multzoan berriz, Real Sociedad B, Mulier eta Arratia. Liga formatuan jokatu da eta multzo bakoitzeko irabazleak sailkatu ziren finalerako.
A multzoari dagokionez, Athletic C taldea izan zen jaun eta jabe sailkapen fasean, jokatutako hiru partidak irabazita eta gol zaparrada lortuz. Bigarren eta hirugarren San Ignacio eta Berriozar izan ziren, hurrenez hurren, biak lau punturekin, eta Eibar C sailkatu zen laugarren postuan.
“A” multzoko sailkapena
TALDEA | Pt. | J | I | B | G | AG | KG |
---|---|---|---|---|---|---|---|
ATHLETIC C | 9 | 3 | 3 | 0 | 0 | 14 | 2 |
SAN IGNACIO | 4 | 3 | 1 | 1 | 1 | 7 | 7 |
BERRIOZAR | 4 | 3 | 1 | 1 | 1 | 7 | 8 |
EIBAR C | 0 | 3 | 0 | 0 | 3 | 1 | 12 |
B multzoan aldiz, Reala B-k eskuratu zuen multzoko lidergoa bere bi norgehiagokak emaitza berdinarekin irabaziz (2-0). Bigarren postua Mulierrentzat izan zen eta Arratia sailkatu zen hirugarren postuan.
“B” multzoko sailkapena
TALDEA | Pt. | J | I | B | G | AG | KG |
---|---|---|---|---|---|---|---|
REALA B | 6 | 2 | 2 | 0 | 0 | 4 | 0 |
MULIER | 3 | 2 | 1 | 0 | 1 | 1 | 2 |
ARRATIA | 0 | 2 | 0 | 0 | 2 | 0 | 3 |
Beraz, Reala B eta Athletic C sailkatu ziren finalerako, zeina Durangon jokatu zen irailaren 2an, Tabirako futbol zelaian, arratsaldeko 18:00etatik aurrera. Bertan, Reala nagusitu zen 0-2 zurigorrien aurkako lehian, hartara bere kategoriako txapela jantzi zuelarik. Hirugarren eta laugarren postuak zehazteko lehian, San Ignacio penaltietan nagusitu zitzaion Mulierri. Arratia sailkatu da bosgarren gol averageagatik Eibar C-ren aurka 2-2 berdindu ostean eta eibartarrak izan dira seigarren, beraz.
🏆 XIII.EHKopa ⚽
B KATEGORIAKO SAILKAPENA
1 REALA B
2 ATHLETIC C
3 SAN IGNACIO
4 MULIER
5 ARRATIA
6 EIBAR C
Jon Esturo Loiola gogoan
Jon Esturo Loiolaren omenez jokatu da aurtengo XIII. Euskal Herria Kopa hau. Euskal Herria Kirola elkarteko talde sortzailetakoa, kidea eta, bereziki, Euskal Herria Kopako sustatzailea, Jon Esturo Loiola 2022ko azaroan hil zen. Bera omentzeko, aurtengo Euskal Herria Kopako finalaren atarikoan, bere alaba Garazik, ohorezko sakea egin zuen bi taldeetako kapitainek kamiseta bana eman ondoren, zaleen txaloen artean.
‘A’ maila. Egutegia
'A' MAILA | TALDEA | EMAITZA | TALDEA | KRONIKA |
---|---|---|---|---|
A multzoa | ||||
2023.08.12 19:00 BASOZABAL Sondika | Bizkerre | 0 - 0 | Alaves | ehkirola.eus |
2023.08.18 18:30 SARRIENA Leioa | Bizkerre | 0 - 7 | Reala | ehkirola.eus |
2023.08.26 18:30 EL PRAO Guardia | Alaves | 0 - 4 | Reala | ehkirola.eus |
B multzoa | ||||
2023.08.12 19:00 FANDERIA Errenteria | Eibar | 3 - 0 | Osasuna | ehkirola.eus |
2023.08.16 19:00 LEZAMA 2 Lezama | Athletic | 1 - 1 | Eibar | ehkirola.eus |
2023.08.20 12:00 EL PORTARRON Mendigorria | Osasuna | 1 - 5 | Athletic | ehkirola.eus |
'A' 5/6 | ||||
2023.09.02 | Osasuna | 3 - 0 | Bizkerre | ehkirola.eus |
'A' 3/4 | ||||
2023.09.02 | Eibar | 5 - 0 | Alaves | ehkirola.eus |
'A' FINALA | ||||
2023.09.03 16:00 LEZAMA 2 ~ ETB ~ | Athletic | 4 - 2 | Reala | ehkirola.eus |
‘B’ maila. Egutegia
'B' MAILA | TALDEA | EMAITZA | TALDEA | KRONIKA |
---|---|---|---|---|
A multzoa | ||||
2023.08.16 18:00 UDAL KIROLDEGIA San Ignacio | San Ignacio | 5 - 0 | Eibar C | ehkirola.eus |
2023.08.16 20:00 Berriozar | Berriozar | 1 - 6 | Athletic C | ehkirola.eus |
2023.08.19 17:30 UNBE Eibar | Eibar C | 0 - 2 | Athletic C | ehkirola.eus |
2023.08.19 12:15 Berriozar | Berriozar | 1 - 1 | San Ignacio | ehkirola.eus |
2023.08.26 12:15 Berriozar | Berriozar | 5 - 1 | Eibar C | ehkirola.eus |
2023.08.26 17:00 UDAL KIROLDEGIA San Ignacio | San Ignacio | 1 - 6 | Athletic C | ehkirola.eus |
B multzoa | ||||
2023.08.19 11:00 URBIETA Igorre | Arratia / | 0 - 2 | / Reala B | ehkirola.eus |
2023.08.23 19:00 SAN DONATO Etxarri | Mulier | 0 - 2 | Reala B | ehkirola.eus |
2023.08.26 12:15 Mulier | Mulier | 1 - 0 | Arratia | ehkirola.eus |
'B' 5/6 | ||||
2023.09.02 | Arratia | 2 - 2 | Eibar | ehkirola.eus |
'B' 3/4 | ||||
2023.09.03 | San Ignacio | 1 - 1 | Mulier | ehkirola.eus |
'B' FINALA | ||||
2023.09.02 | Athletic C | 0 - 2 | Reala B | ehkirola.eus |
EUSKAL HERRIA KOPAREN HISTORIKOA
EDIZIOA | ZELAIA | DATA | TXAPELDUNA | EMAITZA | TXAPELDUNORDEA |
---|---|---|---|---|---|
I. EH Kopa | Bakio | 2011 | Athletic | 4-1 | Real Sociedad |
II. EH Kopa | Beasain | 2012 | Real Sociedad | 2-0 | Athletic |
III. EH Kopa | Azpetia | 2013 | Athletic | 1-0 | Real Sociedad |
IV. EH Kopa | Bilbo | 2014 | Athletic | 3-1 | Real Sociedad |
V. EH Kopa | Zarautz | 2015 | Athletic | 1-0 | Real Sociedad |
VI. EH Kopa | Gernika | 2016 | Athletic | 3-0 | Real Sociedad |
VII. EH Kopa | Elgoibar | 2017 | Athletic | 3-0 | Real Sociedad |
VIII. EH Kopa | Zornotza | 2018 | Athletic | 5-1 | Real Sociedad |
IX. EH Kopa | Azpeitia | 2019 | Real Sociedad | 3-0 | Athletic |
X. EH Kopa | Zornotza | 2020 | Real Sociedad | 0-0 (penː8-7) | Athletic |
XI. EH Kopa | Zarautz | 2021 | Athletic | 2-1 | Alaves |
XII. EH Kopa | Azkoitia | 2022 | Real Sociedad | 4-1 | Alaves |
XIII. EH Kopa | Lezama | 2023 | Athletic | 4-2 | Real Sociedad |
→ ehkirola.eus: VIII. Euskal Herria Kopa
→ ehkirola.eus: IX. Euskal Herria Kopa
→ ehkirola.eus: X. Euskal Herria Kopa
→ ehkirola.eus: XI. Euskal Herria Kopa
→ ehkirola.eus: XII. Euskal Herria Kopa
→ Wikipedia: Euskal Herria Kopa
![](https://ehkirola.eus/wp-content/uploads/2018/07/Euskal-Herria-Kopa.png)
Mastodon
[FINALERDIAK] Reala-Alaves, Arrasaten
IX.Euskal Herria Koparen lenen finalerdiaren aurkezpena, Reala, Alaves, Mondragon CF, Arrasateko Udala eta EHKirolaren ordezkariekin
.
Athletic-Eibar, maiatzaren 29an
IX.Euskal Herria Koparen bigarren finalerdia, Athletic-Eibar, maiatzaren 29an jokatuko da, Galdakaon, 19:30etan. Sarrerak 7€. CD Galdakaoko bazkideek eta 14 urte artekoek, DOAN
Reala-Alaves, maiatzaren 28an
IX.Euskal Herria Koparen lenen finalerdia, Reala-Alaves, maiatzaren 28an jokatuko da, Arrasaten, 19:30etan. Sarrerak 7€. Mondragon CFko bazkideek eta 14 urte artekoek, DOAN