Emakumezkoen pilotak pauso handiak ematen jarraitzen du oraindik egiteko duen bide luzean, eta oraingoan bere sabaietako bat hautsi du berriro, 1600 zale bildu baitziren Nafarroa Arenan Nafarroako Foru Komunitateko Torneoko finalak ikusteko. Gure geografiako frontoi oso gutxik har lezaketen sarrera batekin, eta Iruñeko esparruan antolatu den festarekin ikaragarri gozatu zuten pilotazaleen babesarekin, Goiuri Zabaletak, gaztetan, eta Amaia Aldai-Nora Mendizabalek irabazi zituzten pilota mistoko txapelak, bigarren edizio honetan jarritako helburu guztiak bete dituen txapelketa batean.

Nafarroako Foru Komunitatea Torneoa emakumeen pilotaren erreferentzia garrantzitsuenetako bat bihurtu da, eta kirol honetan aritzen diren guztiek txapelketa guztiz ireki batean parte hartzeko aukera izan dute, izena eman duten guztien ezaugarrietara egokitu den txapelketa izan baita honakoa.

Finalei dagokienez, elite mailan, Amaia Aldaik eta Nora Mendizabalek 22 eta 16 gainditu zituzten Maddi Barrokal eta Itxaso Erasun, aurreko koadroetan borroka handia izan zuen partidan. Azkenenerako, ordea, Amaia Aldai nagusitu zen, Dimako pilotariak tantoak amaitzeko orduan eskarmentu eta erabakitasun handiagoa erakutsi baitzuen.

Gazteen Lau t ‘erdikoan, Leitzako Goiuri Zabaletak txapela etxean geratzea lortu zuen, finalean Leire Galeano gipuzkoarra 18-10 mendean hartuta. Pilotari nafarrak kalitate eta indar handia erakutsi zuen bere pilotakadetan, eta badirudi laster jauzia eman eta eliteko pilotarien artean lehiatzeko moduan izango dela.

Nafarroako Foru Komunitatea torneoa

Igandea, 2022-06-05  Ordua: 12:00   Nafarroa Arena

Lehenengo partida, eskuz banakako 4 ½ ko finala, pilota mistoa gazteak

Leire Galeano 10   Goiuri Zabaleta 18

Bigarren partida, eskuz binakako 3. eta 4. postuak, pilota mistoa elite

Madalen Etxegarai – Irati Zabala 18  Leire Oskoz – Uxue Oses 4

Hirugarren partida, eskuz binakako FINAL HANDIA pilota mistoa elite

Amaia Aldai – Nora Mendizabal 22  Maddi Barrokal – Itxaso Erasun 16