“Euskal selekzioak merezi du?””
JOKIN IBARRA
Euskal Herriko K-1 Federakuntzaren Presidentea
k1basquecountry.com/
Euskal selekzioak merezi du?
Geurea izan eta horrek herritarren artean sortzen duen ilusioan eta itxaropenean sinesten dugunontzat jakina merezi duela. Baina tamalez, gutxiengo batzuk baino ez gara izango horrela pentsatzen dugunak zeren batzuk, besteak beste ETBk, ilusio eta zaletasun hori gure artean zabaltzeko aukera eskura eta doan izan arren, oraingoan behintzat paso egin duelako. Eta ez da izan ez zekitelako, prentsaurrekoaren jakitun zirelako. Baino dirudienez, soilik, euskal selekzio batzuk merezi dute “gure” telebistaren arreta.
Rigan (Letonia), urriaren 4tik 7ra, Munduko K-1 txapelketa jokatuko da eta bertan 63 herrialde lehiatuko dira, artean, Euskal Herria. Aratz Garmendia bizkaitarra, Alexander Timoth xiberotarra, Lander Ripodas nafarra arituko dira lehian eta Sebastian Lopez lapurtarra entrenatzaile gisa arituko dena izango dira euskal ordezkariak.
Espero dezagun, itzulitakoan, aipatu medioak eta besteak egindako ezikusia nolabait konpontzea eta merezi duten arreta egitea, finean, kirol mailan K-1 modalitatea xumea izan arren, euskal selekzioaz ari garelako.
Jokin Ibarra
Euskal Herriko K-1 Presidentea
Twitter
Twitter
Finalak: EH Txapela, abuztuaren 4an ~ EH Kopa, irailaren 2an
II. Euskal Herria Txapela [gizonekoak] abuztuaren 4an jokatuko da, eta VIII. Euskal Herria Kopa [emakumezkoak] irailaren 2an, Athleticen eta Realaren artean bietan. Lekua eta ordua oraindik zehaztu gabe dago –
San Ignacio 0-2 Reala
Reala nagusi izan da Faduran jokatutako VIII. Euskal Herria Koparen bigarren finalerdian. Hartara, finala Erreala eta Athleticen artean jokatuko da, finalaren zelaia eta data oraindik zehazteke daude baina.
Athletic 3-Eibar 1
Athletic izango da VIII. Euskal Herria Kopako finalean, lehen finalerdian Eibarri garaituta. Bigarren finalerdia San Ignacio – Realaren arteko partidan erabakiko da, asteartean Faduran (Getxo).