ARRAUNA

Zierbena eta Hibaika, garaile Portugaleteko Jeitsieran

by | 2022/01/24

Argazkiak: Euskadiko Arraun Federazioa

Portugaleteko X. Traineruen Jaitsiera, euskal uretan jokatu den arraun denboraldiaurreko lehen proba, pasa den igandean lehiatu zen, non Hibaika eta Zierbena nagusitu ziren.

Guztira 46 traineruk hartu zuten parte (jubenilletako 3, beteranoen mailan 13, senior gizonezkoetan 19 eta senior emakumezkoetan 11), horietatik 6 Eusko Label Ligakoak izanik. Eguerdiko 12:30ean Nerbioi ibaian hasi zen proba eta bertan ibilbidea bete behar izan zuten erlojupekoan, hau da, banaka irteten minutuko aldearekin. Lehenak uretaratzen beteranoak izan ziren, gerora senior emakumezkoak atera ziren, eta ondoren jubenillak (San Juan, Santurtzi eta Deusto) eta senior gizonezkoak.

Gizonezko seniorretan, Zierbenaren B ontzia nagusitu zen 5.500 metroko eremuan, zortzi hamarren atera zizkiolarik Donostiarra A traineruari eta 13 segundo Ondarroari. Jarraian, Isuntza, Zierbena A, Arkote, Getaria, Donostiarra B, Deusto, Kaiku A, Zumaia, Busturialdea, Hondarribia, Hibaika, Castreña, Portugalete, Kaiku B, Mutriku eta Colindres sailkatu ziren, hurrenez hurren.

Emakumezkoen proba nagusian berriz (4.000 metro), Hibaikak ia bi segundoan gainditu zuen Deusto A, eta lau segundoan Ondarroa. Hondarribiak, Castreñak, Isuntzak, Hernanik, Portugaletek, Deustu Bk, Mundakak eta Malagako Mediterraneoak osatu zuten sailkapena.

SAILKAPENAK:

Emakumezkoetan:

1 – Hibaika (13:54,9)

2 – Deusto A (13:56,5)

3 – Ondarroa (13:58,8)

4 – Hondarribia (14:02,2)

5 – Castreña (14:23,3)

6 – Isuntza (14:25,3)

7 – Hernani (14:32,6)

8 – Portugalete (14:38,6)

9 – Deusto B (14:44,8)

10 – Mundaka (14:59,7)

11 – R.C. Mediterraneo (17:11,8)

Gizonezkoetan:

1 – Zierbena B (18:24,4)

2 – Donostiarra A (18:25,2)

3 – Ondarroa (18:38,0)

4 – Isuntza (18:57,3)

5 – Zierbena A (19:00,1)

6 – Arkote (19:03,7)

7 – Getaria (19:07,6)

8 – Donostiarra B (19:07,7)

9 – Deusto (19:13,5)

10 – Kaiku A (19:21,7)

11 – Zumaia (19:23,2)

12 – Busturialdea (19:31,2)

13 – Hondarribia (19:31,6)

14 – Hibaika (19:33,7)

15 – Castreña (19:35,8)

16 – Portugalete (19:36,9)

17 – Kaiku B (19:37,2)

18 – Mutriku (19:41,1)

19 – Colindres (21:04,0)