HERRI KIROLAK/HARRIA

Udane Ostolazak 85 kiloko harria altxatzea lortu du, marka pertsonal berria ezarriz

2021/01/12

Argazkiak: egursport.com
Igande eguerdian herri kirol jaialdi mamitsua lehiatu zen Ribabellosan, aizkolariekin batera harri-jasotzaileak ere aritu zirelarik lanean. Urrezko Binakako Aizkolari Txapelketako jardunaldiaz aparte, harri-jasotze aaioa burutu zuten Aroa Sanchezek eta Udane Ostolazak, Izeta IV. arekin batera, eguerdiko 12:00etan hasitako ekitaldian.

Izeta IV.ren kasuan, zortzi arroako hiru harri erabili zituen lanerako: 100 kiloko kopa, 100 kiloko kubikoa eta 100 kiloko bola. Sanchezek 50 kiloko zilindrikoari, 50 kiloko kopari eta 50 kiloko bolari emango zizkion altxaldiak, eta Ostolaza berriz, 85 kiloko harriarekin bere marka gainditzen saiatu zen.

75 kiloan zuen orainarte errekorra eta oriotarrak jarria zuen helburua betetzea lortu zuen, bere marka pertsonala hobetuz. 75 kiloan zuen aurreko marka eta 85 kilokoa leporatzea lortu zuen Ribabellosako saioan, bi minututan birritan altxatu zuelarik harria.

Pasa den otsailean lortu zuen Udane Ostolaza oriotarrak bere lehenengo marka ofiziala, Aritzbatalde kiroldegian lehiatutako herri kirol jaialdian.

Ekitaldiari hasiera emateko, aurrena harri-jasotze erakustaldia egin zuten Mikel Lopetegi Urra, Aimar Irigoien, Unax eta Jakes harri jasotzaileek. Era berean, Arria V.ak eta Txapartegik pentatloiko probak egin zituzten.

Horiek lanak amaitu zituztenean hasi zen marka saiakera egiten Udane Ostolaza oriotarra, eta baita lortu ere. 75 kiloko kubikoa behin jasotzea zuen helburu, baina 2 minutuan hiru altxaldi eginda, gustura gelditu zen gaztea. Erraz lortu zuen marka saiakera gainditzea oriotarrak, eta beraz, Joseba Ostolazaren alabak txapela merituz jantzi zuen.

Zazpi urterekin hasi zen Ostolaza harria jasotzen, 13 urterekin 68 kiloko errektangularra, eta 14 urterekin 63 kiloko kubikoa eta 50 kiloko bola jaso zituelarik. Marka horiek, ordea, ez ziren ofizialak. 2020an 15 urte betetzen zituenez, federazioko lizentzia eskuratu zuen eta beraz Zarautzen lortutako errekorra bere lehenengo marka ofiziala izan zen. Udane 14 urterekin 75kg-ko harria ofizialki jasotzen zuen lehen emakumea izan zen.

Erremontearen Eguna ospatu da Galarretan

Erremontearen Eguna ospatu da Galarretan

Endika Barrenetxeak lortu zuen Urrezko Erremontea Saria aurrenekoz eta Estelarrean Juanenea-Ezkurra-Ion hirukoteak 40-35 irabazi zion Urriza eta Barrenetxeak osaturiko bikoari