MENDI LASTERKETAK

Robert Pkemboi eta Mayi Mujika izan dira irabazleak T3T proban

by | 2022/06/13

Argazkiak: t3tmaratoia.com

Robert Pkemboi atleta keniarrak eta Mayi Mujika elgoibartarrak irabazi dute Tolosaldeko 3 Tontorrak mendi maratoiaren zazpigarren edizioa.

Pkemboi oso gustura aritu zen korrika eta uneoro lehen postuan joan zen, azkenean hunkituta sartu zelarik Tolosako Triangulo plazan jarritako helmugan. 43 kilometro eta 2.800 metrotako desnibela duen ibilbidea 3 ordu 56 minutu eta 29 segundutan osatu zuen keniarrak.

Bidenabar lasterketako marka hautsi zuen, 3.56.29ko denborarekin lehen aldiz lau orduetatik jaitsiz, orain arteko erregistrorik onena ezarri zuelarik (nahiz eta egia den aurten ibilbidearen norabidea aldatu dela).

Gizonezkoen bigarren onena Altzoko Iñaki Olanorena izan zen (4.07.30), eta Villabonako Hassan Ait Chaouk osatu zuen gizonezkoen podiuma (4.12.03).

Emakumezkoetan, Mayi Mujika elgoibartarrak lehen aldiz parte hartu eta proba irabazi egin zuen, 4.54.14ko denbora eginez. Ondoren Nerea Amilibia zarauztarra sailkatu zen (5.23.47) eta  Zizurkilgo Aitziber Ibarbiak osatu zuen podiuma, 6.12.30eko denbora eginda.

SAILKAPENAK

Gizonezkoak

1 PKEMBOI MATAYANGO, ROBERT  KENYA  3:56:29       

2 OLANO ORBEGOZO, IÑAKI  ALTZO   4:07:38

3 AIT CHAOU AITCHAOU, HASSAN  VILLABONA    4:12:03

4 ROMO SANTAMARIA, JAIME  PONFERRADA  4:17:18

5  CRIADO SÁNCHEZ, RAÚL  JACA   4:18:43

Emakumezkoak

1 MUJIKA ERRASTI, MAYI  ELGOIBAR     4:54:14

2 AMILIBIA ARRUTI, NEREA  ZARAUTZ   5:23:47

3 IBARBIA BELOKI, AITZIBER  ZIZURKIL   6:12:30

4 CARRICA AZCARRAGA, MAITE   DONOSTIA   6:19:00

5 OCHOA DE ALDA ZUDAIRE, AMAIA  DONOSTIA   6:41:37

24 kilometro eta 1.600 metrotako desnibela dituen bi tontorren mendi lasterketa ere ospatu zen Tolosaldean. Oier Ariznabarreta durangarrak irabazi zuen gizonezkoetan 2 ordu 6 minutu eta 34 segunduko denborarekin.  Ibai Makazaga oriotarra zazpi minutara heldu zen bigarren tokian eta Unai Dorronsoro beasaindarrak osatu zuen podiuma.

Emakumezkoetan, Maialen Muñoz tolosarra izan zen azkarrena, 2 ordu 38 minutu eta 17 segundutan helmugaratuta. Marina Gonzalez irundarra izan zen bigarren sailkatua eta Irati Larrañaga usurbildarra hirugarrena.