EUSKAL PILOTA

Nafarroako erremonte txapelketako finalistak erabaki dira

2021/03/10

Asteburu honetan jokatu den Nafarroako erremonte txapelketako azkeneko jardunaldiaren ondotik final handiko erremontistak ezagunak dira dagoeneko

 

Duela bi asteko jardunaldiko ematzen ondotik, erabakia gelditu zen senior mailako finala eta  jubenil mailan, Errekako Maylin eta Leatxek ere lortu zuten finalerako txartela.

Esan bezala, senior mailan joan den astetik dena erabakia zegoen, Belarra-Baztan (Erreka) kanporatuak egonik, finalerako sailkaturiko bi bikoteak honakoak direlarik: Errekako De Rueda eta Mitxeo eta Agoizko Maylin eta Segura.

Baina jubeniletan, oraindik finalerako tartel bat zegoen banatzeke. Pikabea – Garcia (Erreka) bikoteak bere eskuetan zeukan sailkapena, azken jardunaldiko partidua irabazita, final handirako txartela lortuko baitzuen. Azken partidua galduz gero, oraindik ere aukera izango zuen, baina 26 tanto egin behar zituen eta Agoitzeko bikoteak ez luke bere partidua irabazi beharko.

Gauzak horrela, Agoitzeko bikotea pasa den larunbatean, martxoak 6, jokaturiko jardunaldira itxaropentsu agertu zen, sailkapenari buelta emateko esperantza mantentzen baitzuen. Larunbatean bi partidu jokatu zituzten, atzeratutako bat eta azkeneko jardunaldiari zegokiona bestea. Aurreneko partidan, Agoitzeko bikoteak, espero zenaren kontra, Maylin II-Leatxe bikotea 26 tantotan utzi eta garaipena eskuratu zuen. Azkeneko partiduan dena erabakitzeko zegoen oraindik beraz, lehia horretan Pikabea-Garcia, Errekako bikotea irabazi eta finalerako txartela lortu zuelarik.

Horrela bada, hauek  dira finalean jokatuko duten bikoteak:

Jubenil maila: Maylin II-Leatxe (Erreka)/Pikabea-Garcia (Erreka)

Senior maila: Maylin-Segura (Agoitz)/De Rueda-Mitxeo (Erreka)

Erremonte Txapelketa

Erreka Kirol Elkartearen erremonte eskola indarrean dugu. Ostiralero entrenatzen dute Josetxo  (Ezkurra II.a) eta Julen (San Miguel)  monitore bezala dituztela eta 12 urtetik goitiko gazteentzat irekia dago.

Gainera, Agoitzeko eskolarekin batera eta Fundazioaren laguntzarekin, bi txapelketa polit  jarri dituzte martxan, Donezteben eta Agoitzen jokatzen ari direnak. Jubenil mailakoa Nafarroako Kirol Jokuen barrenean egongo da eta senior mailakoa Nafarroako Txapelketa izango da.