HERRI KIROLAK/HARRIA

Mikel Lopetegi Urra, Euskadiko harri txikien txapelduna

by | 2020/10/07

Argazkiakegursport.com

Maila absolutuko txapela, Mikel Lopetegi “Urra” zarauztarrak jantzi zuen, guztira 10.825 kilo jasota. 80 kilotik azpiko kategoriako txapela Jagoba Otaegik jantzi zuen, orotara 7.412,50 kilo jasota

 

Maila absolutuko eta 80 kilo azpikoen Euskadiko harri-jasotze txapelketa jokatu zen joan den larunbatean, urriaren 3an, Aiako probalekuan. Lau harrirekin aritu behar izan zuten harri-jasotzaileek, hiruna minutuko txandetan: 125 kiloko laukizuzena, 125 kiloko zilindrikoa, 112,5 kiloko kubikoa eta 100 kiloko bola.

Mikel Lopetegik lortu zuen garaipena, orotara 93 jasoaldi eginda. Hain zuzen ere, hiru minutuko txandetan 27 aldiz altxa zuen 125 kiloko harri errektangularra, 25 aldiz pisu bereko zilindroa, 18 aldiz jaso zuen 112,5 kiloko harri zilindroa, eta, azkenik, 23 aldiz 100 kiloko bola.

Bigarren sailkatu zen Hodei Iruretagoiena Izeta IV.a (24 aldiz altxa zuen 125 kiloko harri errektangularra, 24 aldiz pisu bereko zilindroa, 18 aldiz jaso zuen 112,5 kiloko harri zilindroa, eta 23 aldiz 100 kiloko bola), eta hirugarren Gorka Etxeberria izan zen (21 aldiz altxa zuen 125 kiloko harri errektangularra, 21 aldiz pisu bereko zilindroa, 14 aldiz jaso zuen 112,5 kiloko harri zilindroa, eta 18 aldiz 100 kiloko bola).

Jagoba Otaegi nagusitu zen, berriz, 80 kiloz azpikoen mailan (16 aldiz altxa zuen 125 kiloko harri errektangularra, 18 aldiz pisu bereko zilindroa, 13 aldiz jaso zuen 112,5 kiloko harri zilindroa, eta 17 aldiz 100 kiloko bola). Josetxo Urrutiak egin zuen bigarren (15 aldiz altxa zuen 125 kiloko harri errektangularra, 19 aldiz pisu bereko zilindroa, 12 aldiz jaso zuen 112,5 kiloko harri zilindroa, eta 14 aldiz 100 kiloko bola). Manex Aburuzak ezin izan zuen Aiako probalekuan aritu, aurreko egunean min hartu baitzuen.

Sailkapenak

Maila Nagusia

Mikel Lopetegi Urra: 93 jasoaldi, 10.825 kilo

Hodei Iruretagoiena Izeta IV.a: 89 jasoaldi, 10.325 kilo

Gorka Etxeberria: 74 jasoaldi, 8.625 kilo

Iraitz Arruti: 60 jasoaldi, 6.950 kilo

80 kilotik azpikoak

Jagoba Otaegi: 64 jasoaldi, 7.412,5 kilo

Josetxo Urrutia: 60 jasoaldi, 7.000 kilo