MENDIKO LASTERKETAK/EUSKAL SELEKZIOA

Mendi lasterketetako Euskal Selekzioa etxean gelditzen da (VI)

2020/05/31

Argazkiak: emf.eus

Mendiko Euskal Selekzioak Etxean Gaude lelopean egitasmoa antolatu du Euskal Mendizaleen Federazioak, selekzioaren parte diren korrikalariek egun pairatzen ari garen egoeran, egunerokotasunean nola moldatzen diren ezagutzeko

 

EMF

Azkenaldian, mendiko diziplina ezberdinetako kirolariak ere, etxean daude COVID-19aren ondorioz. Euren jarduna nolakoa izaten ari den jakiteko, egunero, kirolari ezberdin baten geldialdiaren berri ematen joango gara. Honakoan, Sergio Delgado Fernandez (1995, Gasteiz, Araba), Euskal Selekzioko hautatzaile eta eskalatzailearen hitzak jaso ditugu.

1. Nola pasa duzu berrogeialdia?

Egia esan, nahiko ondo pasatzen nabil berrogeialdia. Bakarrik nago Jaca-n (Aragoi, Espainia), baina kontziente naiz zein den egoera. Familia eta gertukoak ondo daude, eta momentu honetan hori da garrantzitsuena.

2. Zer egin zenuen kirola egiteko baimena eman zuten lehen egunean?

Mendira joan nintzen korrika egitera. Oroel mendia, Jacatik gertu dago, eta oso polita da.

3. Zein egutegi egiteko asmoa zeneukan aurten?

Espainiako Bloke Kopa eta Espainiako Bloke Txapelketa.

4. Uztailetik aurrera zerbait jokatuko denaren esperantzarik baduzu?

Ez, irailera arte ez gara berriro martxan jarriko. Baina ondoren, berriro ere topera ibiliko gara.

5. Zein ziren 2020rako zure helburuak?

Nire helburuak hautatzaile moduan, selekziokideek emaitza politak lortzea zen. Helburu personal gehienak aldiz, arrokan daude. Helburu nagusiena hori izaten da, arrokan, ahalik eta gehien eskalatzea.