MENDI LASTERKETAK

Joseba Larralde eta Itxaro Zabaletak irabazi dute Goizutrail lasterketa

by | 2022/05/22

Argazkiak: Goizutrail

Joan den larunbatean, goizeko 09:00etan, eman zitzaion hasiera Goizutrail lasterketari, aurreko urteetan bezalaxe, korrikalariek hiru modalitatetan parte hartzeko aukera izan zutelarik: bata, luzea, 25 kilometrokoa; bestea, motza, 10,6 kilometrokoa; eta azkena, 25 kilometrokoa, erreleboka egitekoa.

Lasterketa plazan hasi zen, eta korrikalariek Eneko Elorri aldera jo behar izan zuten, lehenik. Ondoren, Aitasemegi auzora igo ziren xenda estu batetik eta, lau kilometrotan, xenda eta pistetatik 680 metrotara dagoen Eneko Elorriko bizkarrera igo ziren. Handik bueltan, herrira jaitsi ziren Espideko sorotik, eta Plazan bukatu zuten, ibilbide laburra hautatu zutenek. Binaka aritu zirenek, berriz, erreleboa eman behar zioten lagunari, eta Mandoegirako (1.045 metro) bidea hartu. Jaitsiera egin ostean, plazan amaitu zuten ibilbidea.

Hauexek izan ziren azkarrenak, hiru modalitatetan: Joseba Larralde eta Itxaro Zabaleta, 25 kilometrokoan; Eki Imaz eta Guratz Azpiroz, 10 kilometrokoan; Olatz Zabala eta Ion Alzuri, 25 kilometrokoan, erreleboka.

SAILKAPENAK

IBILBIDE LUZEA:

Emakumezkoetan:

1.saria: Itxaro Zabaleta Telleria (3.00.40)

  1. saria: Rosa Uribe Navarro (3.11.14)
  2. saria: Ana Reina Arjona (3.17.28)

Gizonezkoetan:

1.saria: Joseba Larralde Altzugarai (2.12.21)

2.saria: Hodei Lujanbio Apezetxea (2.16.56)

3.saria: Asier Rajado Barberena (2.21.56)

Beteranoetan:

Vanesa Bahon

Joseba Lasarte

IBILBIDE MOTZA:

Emakumezkoetan:

1.saria: Guratz Azpiroz Beuntza (1.05.43)

2.saria: Ane ElzaundiaMentaberri (1.06.16)

3.saria: Mayi Arriola Agirretxe (1.07.56)

Gizonezkoetan:

1.saria: Eki Imaz Ruiz de Egino (0.49.39)

2.saria: Jon Zubeldia Larrarte (0.53.28)

3.saria: Angeltxo Aranibar Almandoz (0.54.47)

Beteranoetan:

Montse Garmendia

Jorge Ramos

BIKOTEKA:

1-Olatz Zabala Dominguez eta Ion Alzuri Madrid (2:34:47)

2- Adur Iantzi Irigoien eta Aitor Begino Irigoien (2:36:00)

3- Xuban Iturrioz Martiarena eta Jon Murua Etxeberria (2:36:18)