MENDI LASTERKETAK

II. Tabirako Mendi Lasterketa lehiatu zen iragan asteburuan

by | 2020/07/17

Iragan ekainaren 16an, Tabirako Jai Batzordeko zuzendaritzak udaleko ordezkariekin bilera egin zuen, eta bertan adostutakoaren ondorioz aurtengo jaiak bertan behera uztea erabaki zuten.

Jaiei lotuta egin ohi diren ekimen gehienak bertan behera geratu arren, uztailaren 11rako aurreikusita zegoen mendi martxa eta mendi lasterketa mantendu egin zituzten, auzokideei bideratutako ekitaldi xume moduan.

Tabirako auzoaren izena Euskal Herri osora zabaltzeko eta Tabirak duen auzo bizitzaren erakusle bezala, iaz hasi ziren mendi martxa/lasterketa hau antolatzen eta aurtengo bigarren edizioa etenaldiaren ostean Bizkaian lehiatu den aurreneko lasterketa izan da.

Gauzak horrela, pasa den larunbatean lehiatu zen Tabirako II. Mendi Lasterketa, Tabiran (Durangon), bertan, Oihana Azkorbebeitia abadiñarra eta Joxe Mari Errasti oriotarra nagusitu zirelarik. Estizen Duque muzkiztarra sailkatu da bigarren nesketan, eta Arkaitz Iturriagaetxebarria abadiñarra mutiletan. Nerea Amilibia eta Mikel Usandizaga aiarrek osatu zuten podiuma. Denek makila dotore bana jaso dute sari modura, Tabirako auzotarrek eginikoak.

Goizeko hamarretan hasi zen mendi lasterketa, irteera Tabirako elizan kokatua zegoela, zeinean 100 bat korrikalarik parte hartu zuten guztira,

Lasterketa baino ordubete lehenago, 9:00etan, mendi martxari eman zioten hasiera. Martxan parte hartu dutenek ibilbide bi izan dituzte aukeran, lehenengoa 9 kilometrokoa eta bigarrena 18koa (lasterketako ibilbide bera).

Tabiran giro polita sortu zen eta, antolatzaileek eskatuta, parte-hartzaileek zorrotz bete zituzten segurtasun neurriak koronabirusa dela eta.

Aurten, lehen aldiz, Txakur Martxa antolatzeko asmoa zuten. Parte hartzaileek beraien txakurrak lotuta eraman behar zituzten martxan zehar.

III Burdin Hesia mendi lasterketa eta mendi martxa izugarrizko giroan

III Burdin Hesia mendi lasterketa eta mendi martxa izugarrizko giroan

LASTERKETAK   Joan den igandean, maiatzak 24ean  ospatu zen III Burdin hesia mendi lasterketa eta lehen  mendi martxa Bilbotik Laudiora. 25 kilometrotako ibilbidea izan zuen lasterketak Bizkaia frontoitik abiatu zen goizeko 9,30etan eta 200 korrikalarik hartu...

Gasteiz Hiria Herri Lasterketaren XV. edizioaren izen ematea

Gasteiz Hiria Herri Lasterketaren XV. edizioaren izen ematea

LASTERKETAK   Gasteiz Hiria Herri Lasterketaren XV. edizioan parte hartzeko, hurrengo irudian edo azpiko esteketan klik egin. LASTERKETA HONETAN ZOZKETATUKO DIREN SARI ERDIAK GIZONEZKOEN MAILAN ETA BESTE ERDIA EMAKUMEZKOEN MAILAN BANATUKO DIRA. ZOZKETATUKO DIREN...