EUSKAL PILOTA

Goikoetxea V.a-Labakak eta Mirubia-Martirenak beste lau puntu batu dituzte

2021/02/15

Argazkiak:oriamendi2010

Pasa den ostegunean, Jokatu ziren Oriamendi Torneoko beste bi norgehiagoka, arratsaldeko 16:30etan hasitako pilota jaialdian.

Lehenengo partiduan Zaldua II.a eta Larrañagak, Goikoetxea V.a eta Labakaren aurka jokatu zuten eta bigarren partiduan Mirubia-Martirena eta Urrutia II.a-Aizpuru III.a neurtu ziren.

Aurreneko lehian, egoera ezberdinean ailegatu ziren bi bikote neurtu ziren. Batetik Zaldua II.a eta Larrañaga puntu negatiboa zutela aurkeztu ziren partidura, eta bestetik Goikoetxea eta Labakak lau puntu zituzten sailkapenean partidua hasi aurretik. Azkenean, Goikoetxea eta Labaka izan ziren garaileak, Zaldua eta Larrañagari 40-29 irabazita.

Bigarren partiduan berriz, aurreneko jardunaldian garaipena lortutako bi bikote aritu ziren nor baino nor gehiago. Mirubia eta Martirenak tanto bakarreko aldearekin irabazi zioten Etxarri eta Zubiriri eta Urrutia II.a-Aizpuru III.a bikote berdinaren aurka lortu zuten ere garaipen erraza, hartara sailkapenean lau puntu pilatuta kantxaratu ziren biak ala biak. Osteguneko lehian, Mirubi eta Martirena nagusitu ziren, Urrutia II.a eta Aizpuru III.ari 40-37 irabazita.

Emaitza  hauekin, Mirubia-Martirena zein Goikoetxea-Labaka bikoteek zortzina puntu dituzte dagoeneko, Urrutia II.a eta Aizpuru III.a sei punturekin daude sailkapenean eta Zaldua II.a.-Larrañaga puntu negatiboarekin (-1) jarraitzen dute.

Gogoratu beharra dago, Txapelketako lehen fase honek formatua aldatu duela eta lehian dauden sei bikoteek elkarren aurka jokatzen dute multzo bakarrean, aurreneko laurak finalerdietarako sailkatuko direlarik.

Otsailaren 11ko jardunaldiko emaitzak:

Zaldua II.a-Larrañaga 29  Goikoetxea V.a-Labaka 40

Mirubia-Martirena 40 Urrutia II.a-Aizpuru III.a 37

Hurrengo jardunaldia, otsailaren 18an, arratsaldeko 17:00tan:

Segurola-Zaldua vs. Etxarri-Zubiri

Goikoetxea V.a-Labaka vs. Urrutia II.a-Aizpuru III.a