EUSKAL SELEKZIOA
Euskal Selekzioaren ofizialtasuna nahi dugu!
![euskal selekzioa](https://ehkirola.eus/wp-content/uploads/2021/06/euskal-selekzioa.jpg)
Naziometroaren emaitzak argi dio: Euskal Selekzioaren ofizialtasuna nahi dugu euskal herritarrok
Naziometroa euskal burujabetzari buruzko barometroaren emaitzak eman berri dituzte Telesforo Monzon Euskal Herrigintza Laborategiak eta Euskal Herriko Unibertsitateko Parte Hartuz ikerketa taldeak.
Zabaldutako txostenean honela laburbildu dituzte Euskal Selekzioaren inguruan jasotako erantzunak:
Euskal selekzioa
Euskadiko Futbol Federazioak nazioarteko txapelketetan jokatzeko asmoz, nazioarteko erakundeetan (FIFA eta UEFA) kide ofiziala izateko eskaera aurkeztu du eta ekainean jasoko du erantzuna. Horren ondorioz bigarren Naziometro honetan gaiaren inguruko hiru galdera sartu ditugu.
- Euskal herritarren iritziz, hiru administrazio eremuetako jokalariek osatutako Euskal Futbol Selekzioak nazioarteko txapelketa ofizialak jokatzeko aukera eduki beharko luke (“bai” %64). Kontra daudenak %21 osatzen dute.
- Gehienek ondo edo oso ondo ikusten dute (%54k) Euskal Selekzioa, besteak beste, Espainiako/Frantziako selekzioaren aurka lehiatzea nazioarteko lehiaketa ofizialetan. Ez dutenak egoki ikusten -gaizki edo oso gaizki- %17 dira. Tartean, ez ondo ez gaizki, %20 kokatzen da.
- Aldekotasun handiena jaso du jokalariek eurek erabaki ahal izateak zein selekziorekin jokatu, Euskal Selekzioarekin edo Espainiako/Frantziako Selekzioarekin. Alde agertu dira %72 eta kontra %15.
Ondorioz,
Euskal Selekzioa nazioartean lehiatzeko eskubidearen alde agertzen dira euskal herritarrak, baita Espainia edo Frantziaren kontra jokatu behar badu ere. Aldekotasuna are handiagoa da jokalarien erabakitzeko eskubideari dagokionean.
Twitter
Jon Redondo: «TASeraino lagunduko diegu nazioartean lehiatzea eskatzen duten federazioei»
Eusko Jaurlaritzako Kirol Zuzendariari elkarrizketa, Euskal Selekzio nazionalen norabideaz
Jon Torner: “Harmailetako animoek ez dute oihartzunik bulegoetan”
Partida irabazteko ez da nahikoa jokalariek golak sartzearekin
[BIDEOA] Euskal Selekzioa: Erronka estrategikoak eta ezinbestekoak diren bitarteko urratsak
HIRIBARRUAN [2018.10.15] → Beñat Zarrabeitiaren eskutik, Koikili Lertxundi, Kike Zurutuza eta David Salinas