HERRI KIROLAK

Bizkaiko taldekako harrizulatzaile eta binakako aizkora txapelketak jokatu dira

by | 2021/10/03

Argazkiak: egursport.com

Bizkaiko taldekako harrizulatzaile eta binakako aizkora txapelketa jokatu zituzten pasa den larunbatean, urriak 3, Sestaon

 

Sei bikote aritu ziren nor baino nor gehiago Bizkaiko Binakako Aizkora Txapelketan. Azkenean, Larrea aita-semeak izan ziren garaileak, hamabost minutu eta 50 segundoko marka egin zutelarik. Bigarren postuan, Atutxa eta Urruzuno sailkatu ziren, hamasei minutu eta hamasei segundoko denbora eginda, eta hirugarren postua Naredo-Irazabal bikotearentzat izan zen (hamasei minutu eta 35 segundo).

Lehia polita izan zuten lehenengo bi bikoteen artean, Atutxa eta Urruzuno (Inhar Urruzuno ondarrutarrak estreinakoz lehiatu du aizkora txapelketa ofizial bat), Larrea aita-semeekin aritu dira entrenatzen, eta maila antzeko bikoteak zirela gauza jakina zen. Aurreko astean erakustaldi bat izan zuten, eta orduan Atutxa eta Urruzunok irabazi zuten baina honakoan Larreatarrek eraman zuten txapela etxera.

Sailkapena:

Bizkaiko Binakako Aizkora Txapelketa

A.Larrea II.a-J.Larrea III.a   15 minutu eta 50 segundo

A.Atutxa II.a-I.Urruzuno   16 minutu eta 16 segundo

D.Naredo-A.Irazabal   16 minutu eta 35 segundo

J.Gisasola-I.Gisasola   16 minutu eta 40 segundo

B.Lekue-A.Oregi   17 minutu eta 34 segundo

H.Ezpeleta-E.Ezpeleta   18 minutu eta 29 segundo

Harrizulatzaileen txapelketari dagokionez, guztira bost taldek neurtu zituzten indarrak: Burdin Gazteak, Kabiezes, Piratak HKT, Aldai Aldea eta Errekatxo. Burdin Gazteak nagusitu zen. 11 zulo, 11zm eta 8mm lortu zituztelarik txapeldunek. Kabiezes eta Arratzuko Piratak Herri Kirol Taldea sailkatu ziren bigarren (10 zulo, 3zm eta 1mm) eta hirugarren (9 zulo, 11 zm eta 6mm), hurrenez hurren.

Sailkapena:

Bizkaiko Taldekako Harrizulatzaile Txapelketa

Burdin Gazteak   11 zulo, 11 cm., 8mm.

Kabiezes   10 zulo, 3 cm. 1 mm.

Piratak HKT   9 zulo, 11 cm, 6 mm.

Aldai Aldea   9 zulo, 8 cm., 9mm.

Errekatxo   8 zulo, 10 cm., 9mm.