HERRI KIROLAK

II. Binakako Euskal Pentatloiaren aurkezpena

by | 2021/04/22

Maiatzaren 22an eta ekainaren 20an II. Binakako Euskal Pentatloia jokatuko da, eta aurkeztu berri dituzte lehian arituko diren bikoteak Tolosako zezen plazan, bertan elkartu zirelarik txapelketan parte hartuko duten ia kirolari guztiak.

Guztira, gizonezkoetan hamabi bikote lehiatuko dira, eta lehen aldiz egingo den emakumezkoen txapelketan, berriz, hiru bikote.

Hona hemen Binakako Euskal Pentatloia jokatuko duten parte-hartzaile guztien zerrenda: Andoni Iruretagoiena Izeta VI.a eta Jexuxmari Iruretagoiena Izeta III.a, Beñat Amade eta Aritz Irazabal, Jagoba Otaegi eta Luis Txapartegi, Iñaki Errazkin eta Aratz Mugertza, Kepa Peñagarikano eta Gorka Etxeberria, Ousmane Drame eta Mikel Agirre, Daniel España eta Julio Jimenez, Jon Unanue Goenatxo III.a eta Mikel Larrañaga, Jon Gisasola Zelai V.a eta Ioritz Gisasola Zelai IV.a, Xabier Urrutia eta Julen Kañamares, Aitzol Atutxa eta Inhar Urruzuno, eta Joxe Martin Bustinza eta Jokin Eizmendi.

Emakumezkoetan ondorengoak izango dira lehian: Karmele Gisasola Zelai III.a eta Uxue Ansorregi, Garazi Arruti eta Lucia Orbe, eta Claudia Lucia Muñoz eta Julia Martinez.


Gizonezkoen txapelketan kanporaketa maiatzaren 22an izango da, Tolosako zezen plazan, eta bertatik sei bikote sailkatuko dira finalerako. Ekainaren 20ean egingo dira gizonezkoen eta emakumezkoen finala, agertoki berean.

2020ko uztailaren 31n jokatu zen Tolosako zezen plazan binakako euskal pentatloiaren aurreneko edizioa. Zazpi bikotek hartu zuten parte eta Arria V.a eta Izeta VI.a izan ziren txapeldunak. Hona hemen sailkapena:

Xabier Orbegozo Arria V.a eta Andoni Iruretagoiena Izeta VI.a, 40:58
Kepa Peñagarikano eta Joxean Olaskoaga Aizperro, 41:53
Xabier Zaldua eta Jon Gisasola Zelai V.a, 43:22
Julen Kañamares eta Xabier Urrutia, 49:42
Beñat Amade eta Osman Drame, 50:25
Jokin Eizmendi eta Jagoba Otaegi, 54:07
Iñaki Errazkin eta Aratz Mugertza, ez zuten amaitu