EUSKAL PILOTA

Arbe-Lopez eta Erkiaga-Etxeto, Hondarribiko Grand Slamaren finalera

2021/10/11

Argazkiak: Jai Alai News ​

Sei bikote handik hartu dute parte aurtengo Hondarribiko Grand Slam txapelketaren ligaxkan: Goikoetxea-Aimar, Erkiaga-Etxeto, Olharan-Del Rio (A multzoa), Arbe-Lopez, Beaskoetxea-Zabala eta Hormaetxea-Manci (B multzoa).

Multzo bakoitzeko bi bikote onenek lortu zuten finalerako txartela, pasa den larunbatean, urriaren 9a, jokatutako finalerdietan nagusitu eta gero.  

Goikoetxe-Aimar eta Arbe-Lopez lehiatu ziren lehenengo finalerdian. Lehenak faboritoak ziren ligaxkan A taldeko lidergoa eskuratu ondoren baina ez zuten bere maila eman eta 0-2 galdu zuten (9-15, 5-15). Lehen seta azkar hautsi zen izan ere irabazleak 3-10 aurretik jarri ziren eta nahiz eta jarraian Goikoetxeak tanto politak gauzatu ezin izan zuten markagailua irauli (1-0, 1-4, 2-4, 2-8, 3-8, 3-10, 6-10, 6-12, 8-12, 8-13, 9-13 eta 9-15).

Bigarren setean are errazago nagusitu ziren Lopez eta Arbe, aurrekoan bezala hasieratik ireki baitzuten zuloa markagailuan (1-8). Lopez oso seguru ibili zen atzealdean eta Arbek tanto bikainak erdietsi zituen aurrealdean, azkenean bigarren seta ere irabazi zutelarik (0-1, 1-1, 1-8, 4-8, 4-13, 5-13 eta 5-15).

Bigarren finalerdian berriz, Erkiaga-Etxetok Beaskoetxea-Zabalaren aurka indarrak neurtu zituzten eta lehia orekatuagoa joan zen nahiz eta emaitza berdinarekin amaitu (2-0). Bi setak borrokatuak eta luzeak izan ziren baina azkenean biak erori ziren Erkiaga eta Etxetoren alde emaitza berdinarekin (13-15).

Aurreneko jokoan abantaila txikiekin hasi zen Erkiaga-Etxeto bikotea (6-10) baina ondoren aurkariak aurretik jarri ziren (13-12). Orduan Erkiaga agertu zen eta azkeneko tanto bikainak jokatuta setaren garaipena poltsikoratu zuen (0-3, 1-3, 1-6, 4-6, 4-8, 6-8, 6-10, 9-10, 9-11, 11-11, 11-12, 13-12 eta 13-15).

Bigarren seta ere oso parekatua izan zen, gehienezko abantailak bi tantokoak izan zirelarik. Amaiera ere antzekoa, izan ere, 13-12tik 13-15ra pasatu ziren batez ere Erkiagaren lan onari esker (1-0, 1-1, 3-1, 3-3, 5-3, 5-7, 68-7, 8-10, 9-10, 9-11, 10-11, 11-12, 13-12 eta 13-15).

Hondarribia Grand Slam sariak baditu finalistak beraz. Finala urriaren 15ean (ostirala) jokatuko da, iluntzeko 20:00etan, Arbe-Lopez eta Erkiaga-Etxeto bikoteen artean.