EUSKAL PILOTA

Antiguako pilota Txapelketako finalistak zehaztu dira

2021/09/01

Antiguako pilota txapelketa txanpa erabakiorrean sartu da aste hontan jokatutako finalerdiekin

 

Jakina da aurtengo txapelketa ere, bizi dugun egoera dela medio, labur samarra izan dela. Hori horrela, bi zati izan ditu: ligaxka sistema abiatzeko eta gero, kanporaketa bidea, finalera iristeko.

Esan bezala, asteartetik aurrera finalerdietan sartu zen txapelketa eta indarrak oso parekatuak zeuden ailegatu zirenen artean.

Promesetan, lehenengo partida bikaina zetorren: De la Fuente-Iztueta vs Oskoz-Santamaria. Bigarrena, zer esanik ez: Igoa-Ugartemendia vs Unai Alberdi-Morgaetxebarria.  Oso nahasketa egokikoak biak ere: pilotari gazte helduak eta zailtzen ari diren pilotari gazteak.

Eta jakinmina zegoen ere elitekoak erakutsi behar zuten jokoaren aurrean. Asteartean, Julen Alberdi-Odriozola vs Mata-Aizpuru. Asteazkenean, Expósito-Irazustabarrena vs Elola-Apezetxea.

Azkenik, emakumezkoak ere lehian sartu ziren, gazteak zaharxeagoen kontra: Amaia Aldai vs Laia Salsamendi eta Olatz Arrizabalaga vs Mirian Arraiza.

Lehen finalerdian izandako emaitzak:

Emakumezkoak: Amaia Alday 11 Laia Salsamendi 18

Promesak De la Fuente-Iztueta 7 Oskoz-Santamaría 22

Nagusiak Julen Alberdi-Odriozola 15 Mata-Aizpuru 22

Finalerdietako bigarren jardunaldian izandako emaitzak:

Emakumezkoak Olatz Arrizabalaga 18 Mirian Arraiza 11

Promesak Igoa-Ugartemendia 22 Unai Alberdi-Morgaetxebarria 21

Nagusiak Exposito-Irazustabarrena 22 Elola-Apezetxea 7

Gauzak horrela, jada ezagunak dira txapelketako 73. edizioko finalistak. Finalak datorren larunbatean, irailak 4, goizeko 11etan jokatuko dira eta zehazki, honako hauek izango dira emango diren norgehiagokak:

  1. Emakumeak: Laia Salsamendi vs. Olatz Arrizabalaga
  2. Promesak: Oskoz-Santamaria vs. Igoa-Ugartemendia
  3. Nagusiak: Mata-Aizpuru vs. Exposito-Irazustabarrena