HERRI KIROLAK/SOKATIRA

600 kiloetako lehen jardunaldia jokatu da

by | 2021/06/15

Argazkiak: egursport.com

Lur Gaineko Euskadiko Sokatira Txapelketako 600 kiloko kategorian honako taldeak arituko dira nor baino nor gehiago: Mutriku, Goiherri, Akelarre, Gaztedi A, Gaztedi B, Gaztedi C eta Getxo.

Guztira hiru jardunalditan erabakiko dira 640 kiloetako txapelak: lehenengoa ekainaren 12an Goiherri-Erandion, bigarrena ekainaren 19an Getxon eta hirugarrena ekainaren 26an Zumarragan.

Pasa den larunbatean jokatu zen aurreneko jardunaldia, eta bertan Gaztedi A taldea nagusitu zen, orotara 6,5 puntu bilduta, atzetik bigarren Goiherri izan zelarik puntuazio berdinarekin. Hirugarren Gaztedi B izan zen 5 punturekin, laugarren Akelarre 4 punturekin, bosgarren Mutriku 3 punturekin, seigarren Getxo bi punturekin eta zazpigarren Gaztedi C puntu bakarra lortuta.

Kontutan hartu behar da, Gaztedi A taldea 640 kiloko kategoriako txapela merezimendu osoz irabaztetik datorrela, hiru jardunaldietan onena izanda. Guztira 20,5 puntu bildu zituen Gaztedi Ak, atzetik bigarren postuan Goiherri (18,5) eta Gaztedi B (14 puntu) sailkatu zirelarik.

2021eko Lur Gaineko Euskadiko Sokatira Txapelketa

Txapelketaren egutegia:

680 KILO: Maiatzak 1 (Aulesti), maiatzak 8 (Azkoitia) eta maiatzak 15 (Berriatua).680 kiloko lategorian honako taldeak arituko dira: Mutriku, Goiherri, Akelarre, Gaztedi A, Gaztedi B eta Gaztedi C.

640 KILO: Maiatzak 22 (Mutriku), maiatzak 29 (Hernani) eta ekainak 5 (Laukiz). Talde parte-hartzaileak: Mutriku, Goiherri, Akelarre, Getxo, Gaztedi A, Gaztedi B eta Gaztedi C.

600 KILO: Ekainak 12 (Goiherri-Erandio), ekainak 19 eta ekainak 26 (lekua zehazteke). Lehian arituko dira Mutriku A, Goiherri A, Goiherri B, Akelarre, Getxo, Gaztedi A, Gaztedi B eta Gaztedi C.

560 KILO: Uztailaren 3 (Laukiz), 10 (Goiherri-Erandio) eta 17an (Laukiz). Goiherri, Akelarre, Getxo, Gaztedi A, Gaztedi B eta Gaztedi C.

580 KILO MISTOA: Uztailaren 24an oraindik zehaztu gabeko plazan, Gaztedi A, Gaztedi B eta Gaztedi C arituko direlarik.